INTERNATIONAL – Ginbuhat han India an “Operation Sindoor” agud puntiryahon an mga kampo han mga terorista ha Pakistan ngan Pakistan-Occupied Kashmir (PoK) kumo baton ha pag-atake ha Pahalgam, India hadton Abril 22, nga nagresulta hin 26 nga casualty.
Gingamit han Indian Armed Forces an mga moderno nga armas sugad han loitering munitions agud bungkagon an mga base han Jaish-e-Mohammad (JeM) ngan Lashkar-e-Taiba (LeT).
Sumala ha Indian Ministry of Defense, ginplano hin maupay an mga pag-atake agud malikayan an pagtarget han mga pasilidad han militar han Pakistan.
Ginkumpirma han militar han Pakistan nga nagkamay-ada mga missile strike ha Kotli, Bahawalpur, Muridke, Bagh, ngan Muzaffarabad, nga nagdurot hin grabe nga tensyon ha butnga han duha nga nasud.
Nagpahimatngon an Defense Minister han Pakistan nga pwede ini magresulta hin all-out war kun igpapadayon han India ini nga aksyon.
