-- Advertisements --
TACLOBAN CITY- Balik na ha normal an operasyon han airport ha Ormoc City mahuman an naangkon nga danyos han runway mahuman an 6.5 magnitude nga linog.
Subay ha Civil Aviation Authority of the Philippines (CAAP), nga gintanggal na nira an notice to airmen o kun NOTAM matungod nga natagan na hin clearance an nasabi nga paluparan.
Bisan pa man nakitaan hin problema an iba nga runway in may alternatibo pa nga pamaagi an ira ginhimo agud nga talwas makaabot ngan makalakat an mga eroplano.
Diri man daw maabot an dalagan han mga commercial planes an nasabi nga ruba na parte han kalsada sanglit waray ini magigin problema.
