TACLOBAN CITY – Ginbuhat kakuklop nga adlaw an opening ceremony parade ngan opening program han nagpapadayun nga Palarong Pambansa 2023 ha Marikina City.
Sumala kan Jasmin Francisco Calzita, Information Officer hiton Department of Education (DepEd) Regional Office 8, kakulop nga adlaw in amu na iton ira ika-upat kaadlaw ha nasabi nga lugar mahitungod nga dida pa manggud magtikang an nasabi nga paisan-isan han Hulyo 27.
Medyo mauran-uran naman daw iton panahon kakulop han aga pero provided naman an mga atleta hin mga payong ngan uniforms sugadman sapatos para dire mahulos hin duro an mga ine. Pero kun nagdumuro naman daw adton pagraot han panahon in posible an pagkamay-ada hin re-scheduling han mga mulay nga nakatalaan pagbuhaton ha nasabi nga adlaw.
Samtang, padayun naman an panginano han mga coaches ngan team ha mga delegasyon hiton rehiyon agud masigurado nga talwas ngan hapsay an dalagan an nasabi nga aktibidad.
Nakatalaan naman nga bumalik an mga atleta ha rehiyon dida hiton Agosto 7.
