NATIONAL NEWS– Nabalabag hi Senador Juan Miguel Zubiri ha online gambling ha nasud ngan gintawag ine niya nga “silent epidemic” nga hinay-hinay naguguba ha kinabuhi han mga Pilipino.
Ha pagtikang han 20th Congress, naghaon hi Zubiri hin balaodnon nga nagpapanuyo nga igpagbawal an online gambling o an “Anti-Online Gambling Act of 2025.”
Ginpapagbawal han balaod an tanan nga klase hiton online gambling ha nasud, ngan dire la simple nga regulasyon, kalakip gihapon dinhi an digital betting platform, mobile application, ngan mga website nga naghahatag hin dalan ha mga nagamit hin cellphone, tablet, o computer.
Sakop gihapon han balaodnon an digital wallet ngan mga payment service providers sugad han credit cards, GCash, PayMaya, ngan iba pa nga nabulig nga magproseso han bisan anu nga transaksyong nga may kalabutan ha online gambling.
