-- Advertisements --
NATIONAL – Ginpapa-‘grabe’ pa han mga hurak nga online lending apps an online gambling ha nasud, sumala kan Senador Sherwin Gatchalian.
Sumala ha senador, damo na nga indibidwal an naa-adik ha hurak nga online gambling nga ginsisingabot pa daw han mga online lending apps.
Dugang pa hine, an mabug-at ngan abuso nga mga kondisyon han pautang han pira nga online lending apps an mas nagpapakuri ha mga Pilipino nga naadik ha online gambling, nga naglulunod ha ira ha waray katapusan nga pangutang agud magsugal.
Ginpahayag gihapon han senador nga an dire makatarungan ngan nakakaguba nga pamaagi han panukot han mga ine in labi pa nga nagpapabug-at ha emosyonal ngan mental nga pas-anun han mga Pilipino nga nakukurian na ha online gambling.
