Gin lunsar han Department of Education (DepEd), Commission on Higher Education (CHED), ngan Technical Education and Skills Development Authority (TESDA) an One Education Program, usa nga inisyatiba han tulo nga ahensya agud mas mapakusog pa an sumpayan han basic education, kolehiyo, technical-vocational training, ngan pangandaman ha trabaho o negosyo.
Panuyo han programa nga himuon nga mas madali an pagbalhin han mga istudyante tikang ha usa nga lebel han edukasyon tikang ha masunod nga lebel kutob ha makahuman hira ha pag-aram ngan makagtikang ha pagtrabaho.
Labot ha nasabi nga programa, iginpakilala gihapon an Education Reform Fellowship Program, usa nga programa nga magre-recruit, magte-train, ngan magme-mentor hin mga young professionals nga mabulig ha implementasyon han mga reporma ha edukasyon ngan workforce development.
Samtang, gin pirmahan gihapon han tulo nga ahensya ngan han Analytiks Inc. an memorandum of agreement paa ha Project Tahanan, usa nga inisyatiba nga magpapakysog ha learner traceability ngan secure nga pagpapaangbit han learners data agud makabug-os an gobyerno hin mas epektibo nga mga polisya ngan programa ha edukasyon.
