Gin kwestyon ni Ombudsman Jesus Crispin “Boying” Remulla an kalidad han mga proyekto nga gintukod han Department of Public Works and Highways (DPWH) para ha magkadiru-dilain nga ahensya han gobyerno.
Ha iya programa, ginmalatumat ni Remulla nga posible mas maupay an dagko nga proyekto kun pagdudumaraon pinaagi han public-private partnership (PPP).
Kaupod ha mga nahingadayan hini an sobra P9 bilyon nga UP-Philippine General Hospital Cancer Center, nga daw waray nakuha nga bidder.
Gin kwestyon gihapon ni Remulla an Bureau of Immigration building project nga nagkakantidad hin sobra P8 bilyon, nga maiha na nga gintitindog.
Igin suhestyon gihapon hini ha National Bureau of Investigation nga imbes nga magpatindog hin bag-o nga building, pwede nala ini pumalit hin existing building ha pribado nga sektor.
Umabuyon naman hi DPWH Secretary Vince Dizon ha pira nga punto ni Remulla, partikular na ha paggamit han PPP parsa ha dagko nga komplikado nga proyekto.
Sumala kan Dizon, posible makabulig an PPP agud masigurado an mas malaksi nga konstruksyon, mas hitaas nga kalidad ngan cost efficiency han mga proyekto.
Gin amin gihapon ni Dizon nga dire hiya nalilipay ha kalidad han pira nga proyekto nga ginhihimo han DPWH, kaupod an Bureau of Immigration building.
Ginmalatumat gihapon hini nga andam an DPWH nga ig undang an presente nga NBI building projects agud makabiling an ahensya hin mas praktikal nga opsyon para ha bag-o nga headquarters hini.
