Nagpasaka an nasud Oman hin suhestiyon nga joint regional management system ha Strait of Hormuz agud maibanan an tensyon ha Middle Eeast.
Nahibaruan nga ginrekomendar ini han Oman ha mga opisyal han Iran dida han naglabay nga semana ha Tehran. Kun diin ha suhestiyon nga maghahatag hin bayad an mga shipping company para ha pagmintinar han mga butang nga makakabulig ha pagbiyahe han mga barko didto.
Ha ilarum hini nga suhestiyon, diri magkakamay-ada hin eksklusibo nga kontrol an Iran ha Straight of Hormuz. Kundi, gusto hini gamiton an modelo nga maipapareho han ginhihimo ha Straight of Malacca, kun diin nagbuburublig an mga nasud Indonesia, Malaysia, ngan Singapore.
Tungod hini, posible nga gamiton an pondo ha pagmintinar han navigation equipment, pagpapaupay han kalibungan ngan search ngan rescue operations.
