Basar han early estimate tikang han mga nakalabay nga trading day, gin lalauman an utro nga paghitaas han presyo han mga produkto nga petrolyo ha nasud.
An gasolina in posible nga magkaada hin kadugangan nga presyo nga subra P6.20 kada litro, an diesel naman in ginbabana-bana mahitaas hin haros P20.00 kada litro. Samtang, an kerosene namn in puydi humitaas hin ma subra P13.00 kada litro.
Gin klaro pa han mga eksperto nga an mga presyo in puydi pa magbag-o depende ha gios han world market trend.
An ginlalauman nga pag hitaas in bunga han padayon nga paghitaas han presyo han lana ha world market nga direkta nakakaapekto ha lokal nga presyo han mga produkto nga petrolyo.
Kun magpaladayaon an mao nga trend, ginlalauman nga madudugangan an kabug-aton nga gin aabat han mga motorista ngan consumer, ilabi na an mga sektor nga naglalaom ha transportasyon ngan enerhiya.
