NATIONAL–Magkadudrungan nga nagpatuman hin paghitaas ha presyo an mga kumpanya han lana ha ira mga produkton petrolyo.
Ginpatuman n P1.20 nga dugang ha kada litro han gasolina kanina nga alas 6 han aga.
Samtang, an diesel in humitaas hin P0.60 kada litro, sugad gihapon an kerosene nga mayada P0.60 nga pag-umento kada litro.
Sumala ha Department of Energy (DOE), usa ha mga rason ha paghitaas ha presyo kay an geopolitical tension ha parte han US ngan Iran, pati na gihapon an posible nga ayat ha suplay ha Strait of Hormuz.
Nababaraka an ga motorista nga magpapadayon an upward trend ha presyo han petroleum products, nga pwede magdurot hin mas haluag nga gasto ha ira parte.
Mahitungod hine, nananwagan an pira ka mga grupo nga igpabalik an buffer fund para ha mga imported nga lana.
