TACLOBAN CITY — Tungod ha kabaraka nga matapnan han nakakamatay nga novel corona virus in karuyag na nga umuli ha Pilipinas han pira nga mga Overseas Filipino Workers (OFW) ha Shanghai, China.
Sumala kan Bombo International Correspondent Jane Madriaga, nga kun magkakamay-ada hin repatriation an gobyerno para ha mga OFWs ha China in diri daw hiya magruruha duha nga umuli ha luyo nga maupay an iya trabaho ha China.
Dugang pa niya nga ha pagkayana in 1 na an nahipatik nga namatay matungod han corona virus ha Shanghai ngan plano na nga magpatuman hin lockdown ha mao nga lugar.
Pakuri-ay na daw gihap an pagpalit hin mga vitamins ngan medisina ha mga botika tungod nga nagkakaubusan na.
Waray na gihapon napapalitan hin mask ha Shanghai tungod hini in napipiritan nala an iba nga pumalit o mag order ha iba nga nasud para la may magamit nga proteksyon kontra ha mao nga virus.
