TACLOBAN CITY – Padayon an search and retrieval operation han Office of the Civil Defense (OCD) Eastern Visayas, ha mga lugar nga naapektaran han natabo nga pagpan-pan han tuna ngan (ipo-ipo) ha Northern Samar, kun diin nagresulta ine han pagkawara han pira nga mga indibidwal, dara na gihapon han makusog nga hangin durot han bagyong Enteng.
Sumala kan Sher Rysia Saises, Information Officer, Office of Civil Defense Regional Vlll, maabot ha 14 nga mga panimalay an nagin apeketado han nasabi nga pag-igo han (ipo-ipo) ha Lavezares Northern Samar.
Subay ha ira nagin assestment, maabot na ha kabug-usan 4,674 nga pamilya an presente yana nga nagpapabilin ha mga evacuation center ha Northern Samar, Biliran ngan Samar.
Samtang, suspendido na gihapon an klase ha tanan nga lebel ha Northern Samar, nga duro nga naapektaran han pagbabaha ngan pagpan-pan han tuna.
Nagpatuman naman hin suspension han trabaho an Lavezares Northern Samar, ngan Calbayong City.
Ginpangbit naman ni Saises, nga nawarayan na gihpon hin suplay han kuryente an Allen ngan Capul Northern Samar, Lavezares, Biri, Bobon.
Ginmalatumat gihapon hine, nga maabot ha 1,439 nga mga pasaheros, 286 nga mga rolling cargoes ngan 5 vessels an stranded ha pagkayana ha mga pantalan han Northern Samar.
Ha pagkayana, padayon gihapon an ira pakikipagsumpayan ha buhatan han Department of Social Welfare and Development RO8, para han pan destribwer han mga family food packs ngan non-food items ha mga apektado nga lugar magin ha mga evacuation center.
