TACLOBAN CITY — Ginklaro han Office of the Civil Defense (OCD) Regional Office 8 nga main earthquake ngan diri mga aftershock an naabat kanina nga linog ha Northern Samar.
Una hini, in duwa nga magkasunod nga 4.8 ngan 4.4 magnitude nga linog an bumay-og ha sirangan han Pambujan, Northern Samar.
Sumala kan Rayden Cabrigas, spokesperson han OCD Region 8, waray naman nahipatik nga danyus ngan waray daw gihapon lalauman nga mga aftershocks durot han mao nga linog.
Sugadman, padayon daw la gihapon an ira monitoring matungod nga an mao nga lugar in ada ha fault line nga area.
Nanawagan naman ini ha publiko nga maging andam ngan updated han mga ginpapagawas nga pahimatngun han mga hintutuinan nga ahensya ngan diri dayon nga tomood ha mga ginpapakalat ha social media.
