TACLOBAN CITY- Hul-os nga nakatuka an Office of Civil Defense Regional Office 8 ha nagpapadayon nga panhulga ha karaot han panahon ha Visayas ngan Mindanao mahitungod han low pressure area (LPA).
Sumala kan OCD 8 Regional Director Edgar Posadas, nga nagpapabilin an orange rainfall alert ha Southern Leyte nga nangangaruyag signgon hin posible nga paghataas han tubig baha.
Samtang, yellow rainfall alert naman o inisyal na baha ha Cebu, Bohol, Siquijor, Leyte, Eastern Samar ngan Samar.
Urhi nga nasipatan an LPA nga namumutag ha intertropical convergence zone (ITCZ) ha kahirayuon nga 10 kilometro ha norte sinirangan nga parte han Maasin City ha Southern Leyte.
Samtang, guinklaro naman ni Posadas nga waray pa mga pamilya nga guinpabakwit ha mas hataas nga mga lugar pero nagpahimatngon naman ini ha publiko nga sundon an pahimatngon han goyerno inkaso nga magpagawas hin bisan ano nga kamanduan para ha katalwasan han ngatanan.
Mababaruan nga kalakip ha mga guinpanbaha nga lugar an dako nga parte han Sinirangan Bisayas ngan maging an mga probinsya han Zamboanga del Norte, Zamboanga del Sur, Misamis Oriental, Bukidnon, Camiguin, Surigao del Norte, Surigao del Sur, Agusan del Norte, Agusan del Sur, Davao City, Davao del Norte, Sarangani, Lanao del Norte, Lanao del Sur, North Cotabato, South Cotabato, Sultan Kudarat ngan Maguindanao.
