TACLOBAN CITY– Nagpatuman na hin state of calamity an pira nga mga lugar ha Eastern Samar, ngan Northern Samar durante han TD Kristine.
Sumala kan Office of Civil Defense Regional Office Vlll, Regional Director, Lord Byron Torrecarion, nga subay ha ira kapot nga datos, maabot ha 69 nga panimalay an nahipatik nga totally damage, samtang ada naman ha 1,815 an partially damage dinhi ha Sinirangan Bisayas mahuman an paglasurbo ni TD Kristine.
Dugang pa hine, mayda gihapon hira datos tikang ha national, kun diin maabot ha P1.5B an naguba ha pantag hiton imprastraktura, ngan P3.1B naman an naguba ha pantag hiton agrikultura.
Ginpaangbit naman hine, nga nakapanguli na an 3 nga missing nga anay nahereport nga nawawara.
Ginmalatumat naman hine nga nakagtikang na hira makag padara hin pauna nga bulig ha mga nabiktima han bagyong Kristine.
Ha pagkayana, man didistribwer anay hira family tent para han mga nagubaan hiton panimalay, para ha mga partially o totally damage an mga ine.
Labot la ha family tent, manhahatag gihapon hira hin pira pa nga mga higamit sugad hiton materyales ha kusina agud nga magamit han mga ine ha pagluto.
