TACLOBAN CITY – Ginpahibaro han Office of the Civil Defense OCD region 8, nga naka monitor hira hin mga pagbabaha partikular na ha Eastern Samar, Northern Samar, ngan Leyte.
Sumala kan Sher Rysiah Saises, Information Officer han OCD-8, nga subay ha ira nagin monitoring nga naka-abat hin pagbabaha an pira lugar han Eastern Samar sugad hiton- Can Avid, Maslog, Arteche, Jipapad Las Navas Rawis road, Taft Buray road, San Julian, Oras, Borongan ngan Laurente.
Samtang ha Northern Samar- Las Navas Northern Samar road passable for light vehicle kalakip an Rawis Catubig road ha may Laoang Northern Samar, samtang an iba naman in unpassable pa matungod nga lubog la gihapon ha tubig baha.
Mababaruan nga mayda na gihapon mga barangay ngan munisipalidad ha Leyte an naka-abat hin pagbaha ngan landslide sugad han San Miguel Leyte, kun diin naka-abat an mga ine in pagpanpan hiton tuna matungod han waray wantas nga pag-inuran.
Hapagkayana, padayon pa an ginhihimo nga monitoring hiton OCD-8 kasumpay han mga pagbabaha ha bug-os nga rehiyon 8.
