WASHINGTON D.C., USA – Waray na kapausa ni anay US President Barack Obama an kawaray awod ngan decorum ha political discourse ha Amerika mahuman gumawas an usa nga kontrobersyal nga video ha social media account ni US President Donald Trump.
Ha usa nga podcast interview kaupod an political commentator nga hi Brian Tyler Cohen, ginbaton ni Obama an video nga ginpaangbit ha Truth Social ni Trump dida han Pebrero 5 kun diin makikita nga ginbutngan an nawong nira ni anay first lady Michelle Obama ha lawas han mga unggoy ha usa nga gutiay nga parte han clip.
Ha video, nga ginkakadabihan gihapon han mga conspiracy claims kasumpay han 2020 election, in dayon nga nakakarawat hin pagsukna ha magkadurudilain nga parte han US political spectrum.
Siyahan hini gintawag han White House nga “fake outrage” ugsa ginyakan nga naipost ini mahitungod ha pagkakasayop han usa nga staff member nga gintanggal mahuman.
