TACLOBAN CITY – Ginseselibrar yana nga bulan iton Nutrition Month, kun diin gintatagan hine hin importansya an panlawas nga aspeto hiton usa nga tawo.
Sumala kan Christianne Faith Mahinay, RND – Instructor 1, Nutrition and Dietetics Department- EVSU, an tema para han yana nga nutrition month in amu an “Healthy Diet, Gawing Affordable for All”.
Karuyag sidngon in amu an pagbalik ha pinasimple nga pag diet kun diin dire kinahanglan han mga marahalon nga diet plans, agud magkamay-ada hin maupay ngan healthy nga panlawas.
Pwede naman daw makuha an healthy nga panlawas hin dire nagastos hin mahal, pinaagi han pagtatanom hin mga utanon ha sulod hit imo kalibungan ngan pag consume hin mga barato nga utanon pero healthy.
Hapagkayana daw in ira naman ginduduso iton mga plant-based diet.
