METRO MANILA – Ginpanhimuwa ni Deputy Speaker ngan National Unity Party (NUP) Chairperson Ronaldo Puno nga nakipagmiting an ira partido ha liderato han Kamara kasumpay han impeachment kontra kan Vice President Sara Duterte, kaupod han pag-amin nga posible magresulta ha conscience vote an desisyon han ira mga miyembro.
Ginmalatumat ni Puno nga waray nahitabo ngan waray plano nga dayalogo an NUP kanda Speaker Faustino Bojie Dy III ngan Majority Leader Ferdinand Alexander Marcos.
Gindig-on han mambabalaud nga an posisyon han partido in nakadepende ha ebidensya ngan diri ha bisan ano nga pressure.
Bisan kun una na nga ginmalatumat han NUP nga malabo nira paboran an reklamo mahitungod nga waray bag-o nga ebidensya, nagkakaduru-dilain an opinyon han ira mga miyembro.
Ginkontra naman ini ni Senior Deputy Majority Leader Lorenz Defensor nga natu-o nga may-ada insakto nga basaran han betrayal of public trust tungod han ginbuhat nga livestream dida han nakalabay han bise presidente.
Samtang, ha pagkayana in duha na la ha upat nga impeachment complaints an nagpabilin nga buhi ha Kamara.
