TACLOBAN CITY- Mahugot nga ginpahimatngunan han buhatan hiton National Telecommunication Commission NTC regional office-8, an publiko ha nahurak yana nga mga text scams.
Sumala kan Willie Sabala, Regional Director han National Telecommunication Commission NTC regional office-8, nga ginkakalipay han ira buhatan nga hapagkayana in waray pa hira may nakakarawat nga report kasumpay ha nahurak nga text scams nga nag-ooffer hin trabaho.
Dugang pa han mao nga opisyal, nga posible may mga naka-karawat na han mao nga text scams pero namag-aalang an mga ine nga mag-report matungod nga posible an mga ine nga naawod matungod nga kumagat hira ha mao nga scams.
Mababaruan nga hapagkayana in damo na an mga nahihipatik nga report kasumpay ha paghurak hiton mga text scams nga namag-ooffer hiton trabaho ha bug-os nga Pilipinas.
