TACLOBAN CITY– Ginklaro han National Telecommunication Commisison NTC-8, nga tanan nga mga nagpapadara hin scam messages ha publiko in mga rehistrado ha ilarom han SIM Registration Act.
Sumala kan, Engr. Willie Sabala, Regional Director han National Telecommunication Commission Region 8, nga dire madali-dali nga mahibaruan an mga scammers nga nagpapadara hin messages ha publiko, matungod nga mayda an mga ine stratihiya ha panguwat, kun diin makuri nga matudlok han buhatan an nasabi nga scammers, ngan kinahanglan gihapon hin authorization o court order nga mag re-request ha mga telecommunication network han sim card nga gingamit agud nga makuha an impormasyon kun hino an tag-iya han nasabi nga sim card.
Ginpahimatngunan naman hine an publiko, nga magin vigilante ngan dire dayon magpa-uwat ha mga nakakarawat nga mensahe, ilabi na kun waray ginbuligan nga mga pa-promo o bisan anu nga aktibidad.
Nanawagan naman ine, nga makipag koordinar ha ira opisina, pananglitan maka-karawat hin mga scam messages, agud nga an ira buhatan an mag-asikaso ngan maghatag hin aksyon.
