NATIONAL NEWS – Nagdig-on an National Security Council (NSC) nga dire bisan sanu mapapahuyo an Pilipinas.
Ine in kasunod han pagprubar han pagpugong han Pilipinas nga “Food Delivery: Fresh from the West Philippine Sea” nga naghihingaday ha mga isyu ha nasabi nga kadagatan.
Ha usa nga pahayag, nagpahayag hin pagkabaraka an konseho ha nagin pitad han China.
Sumala kan National Security Adviser Eduardo Año, an paggamit han diplomatic pressure para igdemand an kanselasyon han dokumentaryo in nagpapakita han lantaran nga pagprubar para dire igbuyagyag an tinuod nga sitwasyon ha WPS ngan adlaw-adlaw nga reyalidad nga ginkakaatubang han mga paru-pangisda nga Pilipino.
An nasabi nga pagpugong in dire daw gihapon akseptado ngan direkta nga pagtalapas ha prinsipyo freedom of speech, , artistic freedom, ngan democratic discourse.
Kasumpay hine, nagpadangat gihapon hin suporta an konseho ha direkto nga hi Babyruth Villarama ngan ha mga producer han Food Delivery, nga usa nga napapanahon nga dokumentaryo nga naghahatag hin boses ha mga padayon nga nadepensa ha soberanya ngan katungod ha kadagatan han Pilipinas.
