NATIONAL – Gin aadman na han National Privacy Commission (NPC) an kahaluag han pagbabatunon han Philippine Health Insurance Corporation(PhilHealth) ha nahitabo nga data breach dida han 2023.
Ha presente in naipasa na han fact finding report han Complaints and Investigation Division ha Commission en banc ngan ginhuhulat nala an desisyon hine.
Sumala kan NPC Director Maria Theresita Patula, umabot ha 42 million members an naapektaran han nasabi nga data breach.
Ginkakabarak-an gihapon nga an mga personal information han mga membro hine in nahigawas o naabrihan ha publiko sugad nala han mga medical records, billing, ngan iba pa.
Kaupod han mga ginkakabarak-an nga naigawas ha publiko in an mga PhilHealth member record han mga rebel returnee ha ilarom han PAMANA program, billing records han nga kablas nga pasyente, mga membro han mga unipormado nga han-ay nga namatay ha pagtuman han ira serbisyo, ngan mga kalagsan.
