Ginkontra han North Korea an plano han Japan nga pahitaason an ira defense budget, ngan gin-akusaran an Tokyo dida han Sabado nga nagprepre-parar hin “war of aggression” samtang an US ally in nagduduso hin pakig-istorya ha Pyongyang.
An Japan in hinay-hinay nga nahirayo tikang han ira post-World War II pacifist stance, kun diin ginpahitaas nira an ira paggasto ha aspeto han militar, depensa ngan pagdeploy hin missile launchers.
An Japanese defense ministry in namimiling hin “record-high” nga budget nga maabot hin 8.9 trillion yen o $ 56 billion para ha tiarabot nga fiscal year, sumala ha report han mga media outlets.
Ginpahayag han opisyal nga Korean Central News Agency han Pyongyang nga an budget request in utro na liwat gugubaon an all-time records.
