Nagpagawas an North Korea hin bag-o nga litrato han anak ni leader Kim Jung Un nga hi Kim Ju Ae samtang nagpapabuto hin pistola ha usa nga pabrika hin armas, subay ha state media.
Ha report tikang ha Seoul, makikit-an hi Ju Ae nga kaupod an iya tatay ha usa nga “major munitions factory” nga naghihimo hin mga bag-o nga pistola ngan iba pa nga magagaan nga armas. Iginpakita gihapon ha mga litrato an mag-tatay nga nanginginano han pasilidad samtang nakasul-ot hin leather jacket, nga iginkokonsidera simbolo han kapas ha ira nasud.
Syahan na nga gumawas an litrato ni Jue Ae nga nagpapabuto hin rifle ha firing range, nga mas napakusog ha espekulasyon nga igin aandam na ini kumo tagapagmana ha pagmamangulo han Kim Dynasty.
Syahan gihapon nga iginpakilala hi Ju Ae ha publiko dida han 2022 han updan niya an iya tatay ha paglulunsar hin intercontinental ballistic missile.
