Nagsaad hi North Korean leader Kim Jong Un nga papahilawigon pa an nuclear arsenal han North Korea.
Ha usa nga pamahayag, igin deklara han North Korean leader nga panuyuan hini nga mahimo kumo military superpower an nasud agud tupongan an mga panarhog han Amerika.
Igin malatumat pa ni Kim nga diri na magbabago an posisyon han North Korea kumo usa nga nuclear-armed state. Kun diin, nag saad pa ini nga mas papakusgon pa an nuclear deterrent han ira kampo agud depensahan an ira nasud.
Gin hisgutan pa hini an pagkikigbisog ha mga “hostile forces,” kun diin, gin tawag hini an South Korea kumo “most hostile state” nga tutugbangan hin mas marig-on nga baton.
Mababaruan nga una na nga nagpasa an North Korea hin balaodnon nga nagtutugot magbuhat hin preemptive nuclear strike an mga militar kun may kaatubangon man nga hulga an ira nasud.
An naging pamahayag han North Korean leader in kanit ha padayon nga pagpapadig-on han North Korea han ira nuclear policy, ha kaluyo han mga international sanctions nga gin kakaatubang.
