TACLOBAN CITY– Nagtikang na an National Learning Camp 2024 ha, North Hill Arbours Integrated School, kun diin maghuhuman naman ine ha petsa 19 han presente nga bulan.
Sumala kan Harold Naputo, School Head han North Hill Arbours Integrated School Tacloban, nga ha pagkayana mayda na hira 80 nga mga estudyante nga naki-usa ha nasabi nga learning camp, ngan ginlalauman naman hine nga madudugangan pa an nasabi nga ihap ha mga masunod nga adlaw.
An National Learning Camp, or NLC, in usa nga comprehensive learning recovery program ha pantag hiton edukasyon, ngan ma-alalay ha mga estudyante ha pagpakusog han hibaro, ha mga subject nga maluya an mga ine.
Dugang pa ni Naputo, naka-align ha National Learning Recovery Program nga nagpapanuyo nga maparibhong ngan madugangan an ira educational gaps ngan makabug-os hin positibo learning environment.
Mababaruan, gindudumara an NLC ha kada End-of-School Year break, ngan ine in gintikangan hadton SY 2022-2023.
Naka pukos naman ha nasabi nga National Learning Camp, ha pagtututdo han mga subject sugad hiton English, Science, and Mathematics.
