TACLOBAN CITY– Pormal na nga gintikangan an Brigada Eskwela para hiton school year 2025-2026.
Naki-usa gihapon ha nasabi nga kick-off han Brigada Eskwela, an North Hill Arbour Integrated School.
Sumala kan Harold Naputo, School Head, North Hill Arbour Integrated School, kadungan han ira paki-usa ha Brigada Eskwela, na-ngarawat gihapon hira hin mga enrollees, tinikangan han Kindergarten ngada hiton Grade 2 level.
Dugang pa hine, yana naman nga adlaw, in enrollment naman hiton mga Grade 3-6 nga level, samtang buwas naman nga adlaw an grade 7-10, ngan han mga masunod nga adlaw in ig-aakomodar naman nira an mga out of school youth.
Target mangud nira yana nga makapag-enroll hin 1,300 nga mga enrollees para hiton yana nga school year.
Ginpatapod hine nga ha Hunyo 16, in pormal na an magigin klase han mga ine, ngan naka-andam na gihapon an ira mga aktibidad, agud nga makag-aghat hiton mga estudyante nga bumalik, ngan makamayda hin interes ha pagbalik ha eskwelahan.
