TACLOBAN CITY–Gindumara han North Hill Arbour Integrated School han ika 1 han Disyembre an pagmarka han pagtikang han World Aids Month.
Sumala kan Harold Naputo, School Head han North Hill Arbour Integrated School, bug-os nga bulan han Disyembre in gin-ooberba kumo paghatag hin impormasyon ha mga kabataan labi na ha mga estudyante ha Junior High School ngan mga bisita, an kasumpay ha Acquired Immunodeficiency Syndrome (AIDS) ngan Human Immunodeficiency Virus (HIV) .
Dugang pa ni Naputo, ine in agud nga ha sugad nga pangidaraon mabaro an mga kabataan, kun anu an epekto han nasabi nga sakit ha usa nga indibidwal, ngan ha pira nga mga isyu hiton sosyudad.
Mababaruan, nga ginkilala an Brgy.106 nga usa ha mga barangay nga mayada pinakahitaas nga kaso hin teen pregnancy ha syudad han Tacloban.
