Iginduduso yana ha Senado an panukala nga balaod nga panuyo dire tagan hin sweldo an mga hagtaas nga opisyal han gobyerno ha mga adlaw nga absent an mga ini hin waray klaro nga eksplinasyon.
Sakop han panukala an Presidente, bise-Presidente, senador, congressman, mga hurar nga opisyal, cabinet secretaries, ngan mga department heads.
Nakasurat gihapon dinhi an dire paghahatag hin mga allowances ha mga opisyal nga absent hin waray maupay nga abiso ha pag-absent.
Sumala kan Senator Erwin Tulfo, nga sponsor han panukala nga balaod, nakahiaraan na han mga hagtaas nga opisyal nga waray nagsisita ha mga nasweldo bisan kun absent. Daw makaarawod ha mga ordinaryo nga empleyado han gobyerno nga dire nasweldo kun absent.
Gintagan-duon han Senador nga dapat pantay-pantay an polisya ha No work, No pay—ordinaryo man nga empleyado o magin hataas nga opisyal.
Kasunod hini, ginkilala ni Tulfo an boluntaryo nga pagpapaundang ni Sen. Jinggoy Estrada ha iya sweldo dida han arestuhon ini.
Samtang, manunumduman nga nagin sentro han istoryahon an ‘No work, No pay’ mahitungod ha maiha nga pag-absent ni Sen. Ronald “Bato” dela Rosa pero padayon nga nakarawat han iya sweldo.
