-- Advertisements --
TACLOBAN CITY – Utro nga igpapatuman han syudad an Jaywalking Ordinance, kun diin tinikangan yana nga Marso 2024 an full implementation hine.
Sumala kan Jobz Lagutan, Unit Commander hiton Traffic Dicipline Unit han TOMECO, ginmaduhan hiton City Administrator nga hi Atty. Lila Aquitania an ira ahensya nga magdumara hin repainting ha ngatanan nga mga pedestrian lanes ha kadalanan.
An nasabi nga ordinansa in pamaagi naman agud nga mapabilin an katalwasan ngan mga katawhan nga umaragi ha mga kakarsadahan hiton syudad.
Samtang, magkakaada naman hin penalidad nga P200 ha first offense an makakatalapas han nasabi nga ordinansa; P300 ha second offense; ngan P500 ngan pagkakapreso hin dire maubos ha 5 ngada ha 10 kaadlaw an para ha third offense.
