TACLOBAN CITY–Nakatalaan yana nga adlaw nga magpa-awas hiton patubig an mga irigasyon han Alangalang, San Miguel, Dagitan, Guinarona, Marabong, Dulag, parte han Mayorga, Julita, Burauen, ngan Tabontabon.
Sumala kan Engineering and Operations Division Manager han National Irrigation Administration Regional Office VII Engr. Jojo Arceno, ira ginhihinay-hinay an pandistribwer hiton patubig agud nga makapangandam an mga ine ha panannom.
Dugang pa ni Arceño, nga han nakalabay nga Nobyembre 1 in nakag deliver na hira ha Ormoc City, ngan han pagka Nobyembre 5, ha Catubig, pagka petsa 6 ha Basey Samar, ngan han ika 10 han Nobyembre in ha Samar area.
Nobyembre 13 in ha Barugo Leyte, ngan ha ika 15 in ha Catarman-Bobon, ngan ha maabot nga Nobyembre 22 in nakalataan nga magpa-awas hin tubig an Catubig Northern Samar.
Magpapa-awas naman an pira ka mga lugar sugad han Binahanan North, Binahanan South, Lower Binahanan, Tibac, Sta Fe-Pastrana, parte han Dagami, Palo, ngan Sta Fe. Leyte.
Ginlalauman naman nga sunod nga tuig bulan hiton Enero ngan Pebrero, nakatalaan nga magtikang na iton pananom hiton humay ha mga umhanan.
