TACLOBAN CITY – Ginpahayag han National Housing Authority (NHA) Regional Office 8 nga padayon an ira pagpamulat han pondo para han permanent housing program ha duha nga lokalidad ha probinsya han Leyte nga nadarahigan han naglabay nga bagyong Agaton.
Sumala kan Constancio Antiniero, Regional Manager han NHA 8, nakagtikang na hira han ira preparasyon ha mao nga programa ngan ginpapamulat pa nira an funding tikang ha National Disaster Risk Reduction and Management Council (NDRRMC) para ha pagtindog han mao nga pabahay.
Ha ira gindumara nga preliminary works nakipagsumpayan na hira ha mga local government units han Abuyog ngan Baybay City para ha pagtitindugan han mao nga housing project.
Ha mao nga programa, prayoridad an mga biktima nga totally washed out an mga panimalay pero kalakip gihapon ha mga benepisaryo an mga partially damaged.
Naglalaum naman an NHA nga magkakaada na hin pondo agud nga mapadagmit an paghahatag hin permanente nga relokasyon o panimalay ha mga biktima han bagyo.
