NATIONAL – Mahitungod ha nakatalaan nga paghitaas han sukot ha kuryente, igin-isplikar han National Grid Corporation of the Philippines (NGCP) an hinungdan han pag-umento han transmission rates.
Subay ha NGCP, ini in mahitungod ha Maximum Allowable Revenue ngan under-recoveries tikang tuig 2016 kutob 2022.
Partikular nga humitaas an transmission rates tikang ha 46 centavos/kWh han nakalabay nga Hunyo 2025 ha 59 centavos/kWh ha Hulyo 2025, nga aabaton ha Agosto yana gihapon nga tuig.
Dugang pa han NGCP, ginkokolekta la nira an mga waray masukot tikang 2016 mahitungod ha diri pagkakaada hin 4th Regulatory Period Reset.
Samtang, aprubado naman han ERC an fixed rate nga 3 centavos/kWh para ha under recovery han NGCP nga kokolektahon ha sakob han 84 ka-bulan agud mabug-os an 28 bilyones ka pesos.
Iginpahayag gihapon han ERC nga an nasabi nga pag-umento in makakabulig ha NGCP nga pakurukusgon an mga power grid.
