-- Advertisements --
NATIONAL–Nakatirok an National Food Authority (NFA) hin P936.5-M nga ganansya tikang ha ginbuhat nga auction han mga daan nga bugas.
An nasabi nga kantidad in sobra ha ira target nga maabot ha P912.4-M.
Nabaligya ha auction an ada ha 90% ha mga maiha na nga naka-stock nga bugas.
Tumong han nasabi nga pag-auction in an pagpahaluag han ira mga bodega mahitungod ha tiarabot nga panahon han pag-ani.
Sumala ha NFA nga nakagbaligya hira hin 32.5-M ka kilos hin bugas nga mayada average price nga P28 kada kilo.
Maupay nga ginorganisar han NFA an mga dokumento han mga bidders san-o ginhimo nga pinal an mga sales contracts.
Maabot kasi ha haros 740-K ka sako hin bugas an naka-stock tikang han 3 kutob 18 ka bulan.
