NATIONAL NEWS– Magtitikang na yana nga semana an pandistribwer han National Food Authority (NFA) hin mga bugas ha Kadiwa store ngan mga merkado.
Sumala kan NFA Adminstrator Larry Lacson, ine in agud magkamayda hin espasyo an mga bodega han NFA matungod nga nagtitikaharni na an panahon hiton harvest season kun diin iibanan an mga sulod han bodega.
Pira ha mga bodega nga ira iibanan, in ha Ilocos Region, Cagayan Valley, Central Luzon, Western Visayas ngan SOCCKSARGEN.
Ha ilarom mangud han food security emergency, pwede na nira igpagawas an nasabi nga bugas, subay na gihapon ha kamanduhan tikang ha Department of Agriculture.
Dugang pa hine nga an mga daan nga stock han bugas in maibabaligya ha kantidad nga P29 kada kilo nga esklusibong para ha senior citizen, persons with disabilities, solo parents ngan mga benepesaryo han Pantawid Pamilyang Pilipino Program (4Ps).
