Nadukdok han New York Knicks an 2026 NBA Championship title mahuman perdihon an San Antonio Spurs ha iskor nga 94-90, ha Game 5 han NBA Finals. Ginhuman han Knicks an serye ha 4-1 ngan utro nga nakuha an titulo ha sulod han 53 katuig.
Nagin mahugot an mulay ha butnga han duha nga koponan, pero nahimo han Knicks nga kontrolon an katapusan nga minutos han mulay agud mapabilin an ira kalamangan. Waray gihapon magpaurhi an Spurs, pero kinulang an ira paglanat ha 4th quarter.
Kumamada hin 45 points hi Jalen Brunson, 3 rebounds ngan 3 assists, samtang nag-amot naman hira Josh Hart hin 13 points ngan 11 rebounds ngan Mikal Bridges hin 14 points.
Nagin makuri para ha New York Knicks an first quarter mahuman matambakan hin 10 points ha iskor nga 23-12. Dayun nga nakabawi an Knick ha 2nd quarter ngan naiubos an kalamanagn ha lima. Nagin dukot an mulay pag-abot han 3rd quarter.
Umabante an Knicks ha katapusan nga quarter han mulay ngan nakurian an Spurs nga depensahan ini. Ha katapusan, kumamada hin 29 points an Knicks ngan nakuhan an kampeonato.
Utro nga nakuha han New York an Larry O’Brien Trophy kun diin ginkilala naman kumo Most Valuable Player (MVP) hi Brunson ngan naghuman an ira halaba nga paghulat agud utro nga madukdok an titulo kumo NBA Champions.
