Ginbungkag ni Presidente Ramchandra Paudel han Nepal an ira parlyamento ngan nagtalaan hin panibag-o nga eleksyon ha Marso 5, 2026.
An desisyon in gindumara mahuman an usa kasemana nga kasamok nga nahingadto ha pagkakatudlok han pinakasyahan nga babaye nga Prime Minister han nasud.
Subay ha pahayag han opisina ni Paudel, ginmanduhan hine nga temporaryo nga magmangulo hi anay Chief Justice Sushila Karki.
Hiya an gintudlok mahuman an makusog nga gios-protest nga pinangunahan han mga kabataan nga Gen Z, nga bumaribad ha korapsyon ha gobyerno.
Napiritan nga magbul-i hi anay Prime Minister K.P. Sharma Oli mahuman nga dumuro an tensyon ngan magresulta ha pagkamatay han dire maubos ha 51 katawo ngan pagkasamd han sobra 1,300 katawo.
Gintudlok hi Karki mahuman an duha kaadlaw nga negosasyon ha butnga ni Presidente Paudel, Army Chief Ashok Raj Sigdel, ngan mga lider han protesta.
