Gin kontra han National Bureau of Investigation (NBI) an nagin pahayag han 18-anay marino nga gumamit hira hin air taxi flight agud magdeliver hin maleta nga salapi ha balay ni Presidente Ferdinand Marcos Jr ha Ilocos Norte.
Sumala kan NBI chief Atty. Melvin Matibag, waray hira nakuha nga anuman nga flight logs agud pamatud-an nga igin deliver ni anay Ako Bicol Party list Rep. Zaldy Co an salapi.
Tikang pa hadton 2023 ngan 2025 in gin iimbestigahan na han NBI an mga flight record ngan waray hiya nakita nga anuman nga flight ni Co ngan pira nga opisyal.
Syahan na nga ginmalatumat ni Sgt. Belnard Tube nga igin upod hiya ni Co agud bumiyahe ha Ilocos Norte ngan ig deliver an nakamaleta nga salapi ha presidente.
An NBI an gintudlok agud imbestigahan an mga iginbuyagyag han 18-anay marines nga mayda male-maleta nga salapi nga daw ginhatag ha magkadiru-dilain nga opisyal han gobyerno kaupod na hi Presidente Ferdinand Marcos Jr.
