NATIONAL NEWS– Ginkokonsidera han National Bureau of Investigation (NBI) nga igpailarom ha polygraph test o lie detector test an driver han tumalikod na ha kadayunan nga DPWH Undersecretary Catalina Cabral nga hi Ricardo Hernandez kun ginkikinahanglan ha butnga ine han padayon nga imbestigasyon han iya pagkamatay.
Ginklaro naman ni NBI spokesperson Atty. Palmer Mallari nga an polygraph in usa nga investigative tool ngan dire ine ginkakarawat kumo ebidensya ha korte.
Gagamiton la ine kun dire pa kombinsido an imbestigador ha salaysay han testigo.
Ginklaro gihapon hine nga waray ha kustodiya han NBI an driver.
Manunumduman subay ha salaysay han driver, ginbayaan niya hi Cabral ha Kennon Road, Tuba, Benguet han pasado alas 3 han Disyembre 18 samtang pakadto an mga ine ha La Union.
Han bumalik na hiya ha hotel kun diin pumahuway hi Cabral in waray na hine kakit-e.
Pasado alas otso han gabi na han matad-an hi Cabral nga waray na kinabuhi ha ligid han Bued River.
