Bumaribad hi National Bureau of Investigation Dir. Atty. Melvin Matibag nga ig-publiko o iyakan ha butnga han trial han Senate Impeachment Court an mga persons of interest nga ginkaistorya ni Vice President Sara Duterte agud ipapatay hira Presidente Ferdinand Marcos Jr., First Lady Araneta-Marcos, ngan anay House Speaker Martin Romualdez.
Ha direct examinaton han prosekusyon, ginpakianhan ni Lead Prosecutor Rep. Gerville Luistro kun hira hin-o an mga persons of interests nga gintutudlok ni Matibag nga ginkaistorya o ginkontrata ngan maaram ha panarhog han bise presidente kontra ha presidente.
Ginbaribaran naman ni Matibag nga igmalatumat o igtudlok kun hira hin-o ini nga mga POI mahitungod nga padayon pa an imbestigasyon han NBI Special Task Force ngan ginproproteheran gihapon nira an institusyon.
Sumala hini, dire puydi niya iyakan an mga ngaran mahitungod nga puydi makompromiso an ira pagdudumaraon nga imbestigasyon ngan maibutang ha alanganin an ira informat sugad man an ira kapas agud magin malinangpuson an operasyon.
Nauna na nga ginkumpirma ni Matibag an pagbug-os hin special task force para ha kadugangan nga imbestigasyon han NBI kasumpay han grave threat ni VP Sara kan PBBM ngan ha pamilya hini.
