NATIONAL – Ginklaro han National Bureau of Investigation nga waray kalabutan an International Criminal Police Organizaton o INTERPOL ha imbestigasyon kontra kan anay presidential spokesperson Harry Roque ngan political vlogger Claire Contreras nga kilala gihapon ha tawag nga Maharlika.
Sumala kan NBI Deputy Director Ferdinand Lavin, kalugaringon imbestigasyon an ginbuhat han NBI ngan an mga findings hini in an nagsirbe nga pangunahon nga basaran han pagpapasaka hin kaso kontra ha duhal.
Dugang pa hini, nga may “strong evidence” an NBI ha nagin pagtalapas nira Roque ngan Contreras ha mga lokal nga balaud ha Pilipinas, sanglit ginpasakahan hin kaso an duha.
Siyahan na nga nagpasaka hin sedition charges an NBI ha Department of Justice kontra kan Roque ngan Contreras mahitungod ha nagsarang nga video kun diin, usa nga lalake nga kaparehas an nawong kan Pres. Ferdinand Marcos Jr. an nakikita nga humihithit han usa nga busag nga powder kun diin, an nasabi nga video in ginkilala ha tawag nga “polvoron video.”
