SPORTS – Utro nga nagdumara hin historya hi NBA superstar Stephen Curry kumo syahan nga player nga nakagsulod hin 4,000 nga 3-pointers.
Naghimo ine han 3-point king ha daog han Golden State Warriors kontra Sacramento Kings kakulop nga adlaw, March 14, 130 – 104.
Ha pagsulod ni Curry ha nasabi nga mulay, duha nga 3-pointer nala an iya kinahanglan ugsa makab-ot an nasabi nga rekord, kun diin nahimo naman hine nga magsulod hin duha nga 3-points tikang ha unom nga ginbul-iwan hine ha kabug-usan han mulay.
Naisulod han Curry an ikduha nga 3-pointer, upat ka-minutos mahuman nga magtikang an 3rd quarter pinaagi han assists ni Moses Moody.
Ha historya han NBA, hi Curry pala an nakakahimo hin 4,000 3-pointer, samtang an sumunod haiya in mayda la 3,127 three-pointers, amu hi James Harden.
Nahimo ine ni Curry ha kaluyo han pagkakalimita hine ha 11 points ngan lima nga assists ha sulod han 30 mins nga pagmumulay.
