SPORTS – Nagangkon hin panibag-o nga injury hi 2016 NBA Champion Kyrie Irving samtang aada ha kaburubutngaan han mulay han Dallas Mavericks ngan Sacramento Kings.
Ha urhi nga parte han 1st quarter, kapot ni Irving an bola ngan ginpurbaan hini nga humirani ha paint area agud makakuha hin east-2 lay-up. Samtang ginpruprubaran hini igsulod an bola in tigda nala nga nagsayop hiya han pagtamak ha hardcourt ngan dayon nga bumaliktad samtang ginbabantayan han usa nga Kings guard.
Dayon naman hi Irving ginawaran hin free throw kasunod ha nasabi nga play. Pero nagkinahanglan na ini hiya buligan han usa nga trainer agud makatukdaw ha court.
Dayon gihapon nga gintambakan han Sacramento an Dallas ha paghuman han mulay ha iskor nga 122-98.
Samtang, dire malikyan an pag kabaraka ni Dallas head coach Jason Kidd ha sagun-son nga pagkaka-injure han iya mga players.
Sugadman, naglalaum an beterano nga coach nga usa la nga minor injury an ginangkon ni Kyrie ngan makakabalik gihapon ini.
