Utro nga bubuhion han South Korea an usa nga railway projects nga posible magin koneksyon han sinirangan nga syudad han Wonsan ha North Korea, ha kaluyo han nagpapabilin nga mataghom nga relasyon han duha nga nasud.
Subay ha South Korea’s Unification Ministry, igpapadayon han gobyerno an rehabilitasyon han nautod nga parte han Gyeongwon Line harani ha Demilitarized Zone (DMZ). Gintikangan proyekto dida han 2015 pero naundang makalabay an usa katuig.
Ginmalatumat ni Unification Minister Chung Dong-young nga an linya han ten, nga nagtitikang ha Seoul, in posible magserbi nga koneksyon ha Wonsan ha maabot nga panahon.
Dida han 2024, ginruba han North Korea an mga karsada ngan rail links ha border kumo kaparte han pitad hini nga igkonsidera an South Korea kumo usa nga “hostile state.”
Subay ha ministro, panuyo han proyekto nga mapahaluag an akses ha mga peace and ecological tourism sites ha DMZ ngan makabulig ha pag-ursa han ekonomiya ha mga border area.
Ginkilala naman ni South Korean President Lee Jae Myung nga makuri igduso an pakikigsumpayan ha North Korea mahitungod ha padayon hini nga pagbaribad ha mga panawagan para ha mas maupay nga relasyon.
