Aprubado na ha ikatulo ngan katapusan nga pagbasa an naturalization ni Bonnie Boatwright.
An House Bill 6639 in gin aprubahan ha special session han 20th Congress kakulop nga adlaw.
Tikang manggud dida han Mayo 26 han maipasar ini ha ikaduha nga pagbasa.
Kaupod ha mga naipasar in an House Bill 664 nga naghahatag hin Philippine Citizenship ha wrestler nga hi Matthew James Ramos.
Hi Boatwright in kalakip ha reinforcement player han San Miguel Beermen nga ginlalauman magpapakusog ha Gilas Pilipinas ngan magre-representa han nasud ha 2026 Asian Games.
Samtang, an 25-anyos nga wrestler in humirit hin naturalization agud opisyal nga magin representante han Pilipinas ha mga international competitions nga sakop han Wrestling Association of the Philippines.
