TACLOBAN CITY– Ginpaangbit hiton Gender & Development (GAD) Focal Point System, nga kinadatuig ha bulan hiton Marso, ginseselebrar iton National Women’s Month.
Sumala kan Secretariat, Gender & Development (GAD) Focal Point System, Ms. Hedeliza Ramos, ine in agud tagan hin panahon, ngan igpahibaro ha bug-os nga kalibutan, an importansya han kababayin-an ha tanan nga sektor ngan aspeto hiton pangobyernuhan.
Naghahaatag gihapon ine hin confidence ha mga kababayin-an nga ig-boost pa nira an ira hibaro, ngan kapabilidad ha mga butang, sugad hiton pagigin creative, ngan paghurma hiton makabag-o nga panahon.
Dugang pa hine, yana nga maabot nga Marso 7, magdudumara hira hin Women’s Walk, kumo Kick-Off ceremony para hiton National Womens Month Celebration.
Magtitikang naman ine hiton alas 5 hiton aga.
Ginpaanbit pa hine nga maabot ha 138 nga barangay an nagkumpirma nga makiki-usa ha nasabi nga Women’s Walk celebration ha mao nga adlaw.
Nanawagan naman ine ha publiko, partikular na adton mga kababayin-an nga maki-usa ha mga aktibidadis hiton syudad, agud nga tagan hin dalan an mga kababayin-an nga igpakita an ira kapabilidad ngan imporatnsya ha komunidad.
