TACLOBAN CITY – Ginpahibaro han National Food Authority Vlll, nga andam na an ira buhatan agud nga ig-implementar dinhi ha Sinirangan Bisayas an tag P20-kada kilo hiton bugas.
Sumala kan National Food Authority Vlll, Regional Manager, Mary Sara Sabarre, kalakip ha prior implementation han tag P20 kada kilo hiton bugas an region 6, 7 and 8, karuyag sidngon kalakip an Eastern Visayas nga magpapatuman han nasabi nga pagbaligya hiton bugas.
Ginklaro pa hine nga dinhi ha Leyte, waray pa pormal nga launching han tag P20 kilo hiton bugas, ngan naghuhulat nala hira hin go-signal tikang ha mga hintutuinan.
Ginmalatumat hine nga gin-undang la anay an ira pamaligya matungod ha suhestyon han Commission on Election, nga posible mabutangan hin kolor an nasabi nga pagbabaligya hiton bugas, partikular na nga tikaharani na iton election.
Ginpaangbit pa hine nga an pagbabaligya in naka-depende ha mga Local Government Unit (LGU’s), kun hira hino an benefeciaries han nasabi nga tag P20 per kilo nga bugas.
Samtang an Department of Agriculture naman an nakapot hiton mga KADIWA stores karuyag sidngon, an LGU ngan DA an mag-iidentipika ngan magbabaligya hiton bugas.
Dugang pa ni Sabarre, maabot naman ha 40 kada kilo an pwede la mapalit ha sulod hiton 1 kabulan.
