TACLOBAN CITY-Ginpapagbayad an National Democratic Front of the Philippines NDP, hin indemnification ha mga nagin biktima han nahitabo nga engkwentro ha butnga han mga kasundaluhan ngan New People’s Army NPA, kun diin may nadamay nga mga sebilyan ha Catubig, Northern Samar.
Sumala kan Maj. General Edgardo De Leon, Commander 8TH Infantry Division Philippine Army, nga hapagkayana in padayon an ira gindudumara nga imbestigasyon
kasumpay ha mao nga panhitabo, ngan ine in klarado nga pagtalapas ha International Humanitarian Law.
Dugang pa han mao nga opisyal nga dapat batunon han NDP an panhitabo ilabi na ha pamilya han mga namatay nga sibilyan nga biktima han engkwentro.
Manunumduman nga nagkamayda hin engwentro han nakalabay nga adlaw kun diin namatay an duha nga kabataan samtang na ngunguha an mga ine hin kopra.
Ginmalatumat han mao nga opisyal nga nakapag-istorya pa an usa nga biktima han nahitabo ugsa ine mawarayan hin kinabuhi pagkabinuwasan han insidente.
