-- Advertisements --
TACLOBAN CITY- Nahabilin nala nga uring an usa nga panimalay ha Southern Leyte mahuman ini nga masunog.
Guinpanag-iyahan an mao nga panimalay ni Rodolfo Aguilar Palima Jr. ngan residente han Barangay Mantahan, Maasin City.
Sumala kan Fire Officer 3 Jimmy Adobas nga himo ha light materials ini nga panimalay rason nga dagmit nga nagsarang an kalayo nga nagresulta han kaugdaw hini.
Umabot naman ha P15, 000 pesos an naging danyos han sunog.
Guintutuuhan naman han mga otoridad nga upos han sigarilyo an guintikangan han kalayo.
Samtang, waray naman nahipatik nga samaran ha mao nga panhitabo.
